ذا فيو مول

المول ماله فتره قصيرة من افتتاحة ... جميل ومرتب من الديكورات فيه كافيهات معروفه زي استار بكس ودوكة و كوستا كافية 😍😍 و تيم هورتنز وغيرها بعد المكان مرتب وجميل وفيه مواقب كثير قبل فتره تم إفتتاح مجمع مطاعم و كافيهات قريب من المول نفس فكره واجهة الرياض بس مصغر وجميل

ذا فيو مول مول حديث موجود في وسط الرياض ، المميز بالديكورات الرائعة والتوزيع المرتب للمحلات والمعارض والمساحات الواسعة لممارسة رياضة المشي والتسلية . قريب من الملاذ يوجد العديد من الماركات العالمية المول عبارة عن دورين والمواقف محيطة بالمول محل ديكاتلون متخصص ومتكامل من جميع الادوات والملابس الرياضية ويوجد اكشاك متنوعة بوسط المول . كوفيات . صيدلية النهدي . مطعم البيك . زارا. سنتر بوينت . سيتي ماكس . يوجد مدينة العاب متكامله سيتي سلا. وجميع ماركات العطور .

المكان جميل جدا وهادي حتى بوقت الويكند زحمته مقبوله ورايق وشرح زي النخيل والحمراء..دخلت المكان ريحة الجو جميله والحمامات تكرمون نظافه..منطقة العاب اطفال حلوه ومبتكره للمراهقين مع انها قليله الا انها افضل من ناحية زحام اما الصغار مظلومين بقلة الالعاب..شدني تعامل الموظفات الجميل والمتعاون واخص بالذكر الاخت (عائشه) مرا عسل ورحابة صدر الله يسعدها.. بالنسبه للمطاعم داخل الالعاب حبيت طريقتها جديده.. وفي مطاعم بالمول معروفه حبيت تصاميمها شرح جدا.. في اطلاله خارجيه شرحه لبعض مقاهي والمطاعم وفي مساحات فاضيه احتمال يستغلونها فيما بعد.. محلات متنوعه وفي محلات جدد روعه واغلب البراندات فيها ..بشكل عام المول اول مرا ازوه وبيصير من مفضلاتي

مجمع حلو ويخدم المنطقة يشبهه النخيل مول لكن مصغر. لأنه يتبع الخيول العربية يتضمن عدد كبير من المطاعم والكفيهات، والماركات العالمية والمحلية، المميز في هذا المجمع شفت عندهم براند للمفارش والأسرة والمخدات قطن ١٠٠٪؜ وهو أول فرع لهم بالرياض. يوجد سبا نيل للأظافر للسيدات. ومنطقة ألعاب وسينما العيوب المواقف قليلة والفاليه غالي يصل لستين ريال

مكان جميل واسع هادئ رايق جداً انصح بزيارته يوجد فيه فروع كلفن كلاين سامسنويت

مول جميل شرح وواسع ومريح فيه أغلب الماركات المعروفه والكافيات المطاعم عباره عن دورين يستحق الزياره .

حلو و شامل اغلب المحلات المشهوره العاديه لاكن منطقة المطاعم سيئه جداً صايره دار مدار الالعاب الكهربائيه و انا ما احتاج هالمنطقه طالعه من العمل بتغدى لوحدي ايش ذنبي اتحمل هالازعاج و المطاعم العاديه مكلفه مهما سوو عروض . منطقة الكافيهات جيده و الحلسات الخارجيه تطل على النافوره مع انها كم كوفي لحال .

ماشاء الله ذا فيو مول مول حديث موجود في وسط الرياض ، المميز بالديكورات الرائعة والتوزيع المرتب للمحلات والمعارض والمساحات الواسعة لممارسة رياضة المشي والتسلية . قريب من الملاذ يوجد العديد من الماركات العالمية المول عبارة عن دورين والمواقف محيطة بالمول محل ديكاتلون متخصص ومتكامل من جميع الادوات والملابس الرياضية وجميع المعدات التي تحتاجها من بروتين وادوات ملاكمة وغيرها ...) ويوجد اكشاك متنوعة بوسط المول . كوفيات . صيدلية النهدي . مطعم البيك . زارا.

سنتر بوينت فرع ذا فيو مول مرتب وجميع القطع متوفره في المعرض . وكل الموظفين بشوشين واخص بالشكر الموظف عبداللطيف جدا محترم ومحترف وسريع في عمله الله يبارك له

حلوووو مره وهدوء ومافي ناس كثير وفيه اغلب الماركات وفي ملابس كثييير حلوه احترت بصراحه كل محل يقول الزين عندي حرفيا يهبببل كنت اقول يكفيني ٥٠٠ بس اشتري ملابس الشتاء وطلعت وانا صارفه اكثر من الف ملابسهم تهببل والكوفيهات والمطاعم حلووه

ذا المول اجمل مولات الرياض هادي ونظيف وكل شي فيه ومطاعم ومقاهي شي يفتح النفس